Stingandi hausverkur að gera mig geðveikan á þessum hundleiðinlega þriðjudegi. Hringdi mig inn veikan í fyrsta skipti í allri minni skólagöngu í FSu þrátt fyrir það ætla ég sð spila körfuboltaleik gegn UMFG í kvöld.

Já kominn tími á blogg? Er hér með formlega búinn að drulla þó nokkuð langa vegalengt upp að herðablöðum með þessa ágætu bloggsíðu mína. Er nú kominn tími á smá skriftir. Seinasta helgi var án alls vafa gífurlega skemtileg þar sem að á þorrablót í Logalandi var haldið með góðum drengjum, líkt og Hallgrími Pálma (sem er fluttur úr stofunni og var skarð hans fyllt með íturvöxnum manni sem ber nafnið Skúli Ingibergur Þórarinsson) Skúli, Arnar, Helgi, Sindri og Bjössi frændi Sindra voru svona helstu meðfarar menn á þessu skemmtilega balli ásamt þó mörgum öðrum. Endaði svo kvöldið með hvíslkjötsúpueftirpartíi að Fróðastöðum í Hvítársíðu. Alltaf jafn yndislegt að koma upp í sveit.

Alltaf er nú jafn gaman að enduruppgötva hljómsveitir var það nú hið magnaða band Skunk Anansie sem að skaut upp sköllótta svarta höfðinu. Fáránlega góð hljómsveit sem var með hina sjúklega hæfileikaríku Skin í fararbroddi. Ein af þeim fáu söngkonum sem að eru skemmtilegar þið afsakið alhæfinguna en því miður þá leiðist mér almennt söngkonur. Diskurinn Post Orgasmic chill er óneytanlega skemmtilegasta platan þeirra. Mæli með að fólk taki upp gömlu diskana sína með Skunk og byrji að hlusta aftur. Góður skítur þarna á ferð. Meira um tónlist þá stefni ég á tónleika með danska bandinu Munich á Gauknum eftir hálfan mánuð. Ætla ekki að missa af öðrum stórum tónleikum. Þar sem að ég grét mig í svefn í fósturstellingunni þar síðasta laugardag þegar að ég náði ekki að komast á I Adapt en þið vitið lífið sígur rass.